2016 九州自駕之旅 Day 2 21/3/2016 星期一 (4) 點解要休息~~~

2016 九州自駕之旅  Day 2 21/3/2016

唐津 >曳山展示場(MC: 182 401 736/ TEL0955-73-4361> 唐津城(Tel.0955-72-5697) > 呼子の朝市(MC: 182 722 110) > 呼子大橋 > 弁天遊步 > 七ツ釜(唐津市)( MC: 182 757 455/ TEL 0955-72-4963) > 道の駅伊万里(0955-24-2252) > 伊万里ふるさと村(摘草莓)(MC: 104 816 232/Tel. 0955-24-2252) > 伊万里鍋島燒會館(Tel.0955-23-7293) > 展海峰展望台(MC: 307458 344 *12) > 船越展望所（フナコシテンボウショ）(MC: 307 517 669) > 東横INN佐世保駅前(Tel. 0956­42­1045)

路線

今日食完酒店嘅早餐就出發，呢一間酒店早餐其實都幾簡單，款就好似幾多，但係唔係樣樣啱~~~

我哋今日出發首先會去睇咗係唐津城附近嘅景點先，第一個就係去曳山展示場(MC: 182 401 736/ TEL0955-73-4361)，其實「曳山」日語意思為「雄偉的花車」，現存最大的一件高 6.8 米、重達 3 噸。巨大的花車表面採用傳統的漆器製作工藝，繪以金銀色彩，分別製成獅子、虎鯨、將軍頭盔、鯛魚、飛龍等形狀，而在現存的 14 件「曳山」中，歷史最久的是 1819 年製成的「赤獅子」花車，經過 6 次大型修葺，至今仍保持著當年的風貌。每年 11 月唐津市都會舉辦「唐津九日」的節慶祭祀活動，這節慶距今已有約 400 年歷史，是日本九州地區的代表性祭祀活動之一。「唐津九日」進行期間，當地人會舉起一種叫「曳山」的東西巡遊，好不熱鬧。

我哋對呢一個花車其實興趣不大，只係入咗去佢哋個買嘢嘅地方到睇咗一睇就走人。

下一個景點就係唐津城(Tel.0955-72-5697)，日本嘅城大部份嘅建築風格都係一樣，所以我哋就係遠觀影下相就算。好啦，正式要離開呢個唐津喇。我哋開車會去呼子の朝市(MC: 182 722 110)，GPS話半個鐘內到。去到真係大概半個鐘，呢到有一個有料駐車場，1個鐘¥100。不過我唔知揸咗去邊到，然後又見到有一達地，所以就泊咗係到。

呢個呼子の朝市，係日本三大朝市之一(日本三大朝市◇勝浦朝市（千葉県勝浦市）◇輪島朝市（石川県輪島市）◇呼子朝市（佐賀県唐津市）)。其實要行嘅地方唔係好大，得一條街仔。入面都幾多嘢食買，重有幾多遊客添。我哋買咗一件腐皮寿司食，呢到其實重有即食海膽、燒海鮮~~~即食海膽其實想試，不過就驚拉肚子(雖然係日本搵屎坑並唔係一件難事，不過就費時影響之後嘅行程啦~~)。行咗無半個鐘我哋就閃，去下一個景點呼子大橋，呢到其實有一個叫風之見山丘公園 (唐津市呼子町)( MC: 182 751 452)，個到可以睇到成條呼子大橋。不過我哋去到呼子大橋個到已經覺得好大風，而個個風之見山丘公園，叫得風之見我哋諗應該好大風，所以就無去。行咗弁天遊步一半到影下相就走人，再睇埋呢一區最後一個景點就係七ツ釜(唐津市)( MC: 182 757 455/ TEL 0955-72-4963)，其實呢一個景點係唔記得咗去，係咁啱去便利店嘅廁所嘅時候見到個路牌先醒起重有呢一個景點。

呢個七ツ釜(唐津市)( MC: 182 757 455/ TEL 0955-72-4963)泊低咗架車之後係要行一段路去七ツ釜，呢個七ツ釜主要係睇海邊嘅石，D石嘅形狀都幾特別，好比一條條嘅石柱擺放係崖邊咁，重要幾整齊下添個喎，不過呢個景點都幾大風。行完我哋就去伊万里市，去個到其實係想摘士多啤梨。去到個士多啤梨園附近有一個道の駅伊万里(0955-24-2252)，呢到啱啱見到有幾間餐廳。有Blog友講要試下呢到嘅伊万里牛，呢一間好似佢都有來過，時間都係食Lunch嘅時候喇，咁我哋就揀一間食下啦…

我哋叫咗兩個Set Lunch (每一個係¥3000)，呢一間餐廳都幾多人來食，重有幾多人叫鐵板牛餐添，可能都幾好食。講返我哋個Set Lunch，二人份量一大盤上，睇落好似唔係幾多，但係食食下又幾多個喎。呢一隻伊万里牛，肉質都幾嫩，食落唔洗點咬~~~不過就無北海道嘅白老和牛咁正。

食完我哋就去個道の駅到行下，然後就去搵個士多啤梨園喇~~點知去到話今日休息，好在佢就係個道の駅隔離啫，如果係山長水遠入到去的話真係白走一場。好，無得摘士多啤梨園，我哋就去伊万里鍋島燒會館睇陶磁，其實係佐賀縣伊万里同有田都係出名出產陶磁(有田陶磁の里プラザ (MC: 104 360 821/ TEL：0955-43-2288))，係呢到其實有好多個窯坊用來製造陶磁，不過我哋就無深入探究。只係睇下D製成品，件件都好精緻，價錢重~~~幾貴下添~~~

睇完我哋就驅車去展海峰展望台(MC: 307458 344 *12)睇九十九島，呢個展海峰展望台都幾多人來，有人係到維持秩序，重有一個幾大下嘅油菜花田~~~影相位都幾多人係到，呢到又係幾大風，企耐少少就會頭髮亂了~~~跟住我哋再去另一個展望台船越展望所（フナコシテンボウショ）(MC: 307 517 669)，呢個展望所都係睇九十九島，不過我哋覺得展海峰展望台個邊睇靚D。其實重有一個石岳展望台(MC: 307 547 173)，不過我哋就無去睇~~~

之後我哋就去今晚住宿東横INN佐世保駅前 Check in ，之後就去食晚餐。佐世保出名食漢堡包，我哋搵咗一間近住宿嘅叫 Big Man，途經三浦町天主教堂。呢一間Big Man都幾多人食，我哋去到個時都要等位，之後就要買咗嘢先可以坐低。我哋叫咗兩個包，一個係人氣No.1，另一個雞~~個人氣No.1其實就係煙肉加一隻蛋，味道都唔錯。而個雞包件雞都幾鬆軟，兩個包都幾好食。

食完嘢我哋就係附近嘅一條通到行下，之後就去咗東横INN佐世保駅前隔離個商場行下，係一間叫Right-On到買咗D衫同埋褲~~~呢個商場NN攪緊D Promotion，我哋買到有成萬円嘅嘢，可以換到兩張 ¥500 嘅 Coupon ，係呢個商場到買嘢。我哋就去超市到買嘢，買咗D士多啤梨同飲品，買咗¥1011，補返¥11~~~正。返到酒店就洗衫，呢一間東横INN我哋會住兩晚。話時話，東横INN嘅雙人大床房其實都幾大，可以開到兩個喼~~~~

住:

東横INN佐世保駅前

 857­0863 長崎県佐世保市三浦町1­4  0956­42­1045

¥6912 禁煙ダブル  Parking: ¥500

酒店早餐，都幾多人

酒店就大，但係就好少嘢揀

曳山展示場

遠望唐津城

呼子の朝市

見好多人買呢個腐皮寿司，我哋都買一件試下，味道呢...你哋自己有機會買一件來試下啦..

有海膽食，你夠唔夠膽食

呼子大橋

弁天遊步

七ツ釜

道の駅伊万里

伊万里鍋島燒會館

展海峰展望台

油菜花田

九十九島

三浦町天主教堂

佐世保駅

Big Man

Shopping Centre

有收穫~~~

有兩張Coupon俾返我哋

呢D就係Coupon買返來嘅嘢